In die jare sewentig moet die dienspligluitenant Johan grens toe om 'n geval van ontgroening te gaan ondersoek. Hy is glad nie gereed daarvoor nie, want hy worstel self om van seun na man te verander te midde van persoonlike trauma, politieke ontnugtering en Die Generaal in die agtergrond, die oom wat die familie oorheers. En dan is dit nog op 'n grens anderkant die grens, deel van 'n geheime operasie op die walle van die Zambesirivier. En wat is die eintlike opdrag wat hy moet uitvoer?