Die Piekfyn Afrikaans-reeks vir Graad 4, 5 en 6 bied omvattende, geïntegreerde aktiwiteite propvol interessante inligting en uitdagings. Alles wat leerders moet verstaan en ken om Eerste Addisionele Taal met vlieënde vaandels te slaag, is in hierdie boeke saamgevat.
Met behulp van die LEERDERBOEK sal leerders
spontaan oor verskeie interessante onderwerpe en tekste gesels.
vlot en ekspressief praat en toesprake lewer.
glad kommunikeer in verskillende sosiale situasies.
vinnig verskeie visuele tekste verstaan en verduidelik.
noukeurig en krities na taalgebruik luister.
taalstrukture deeglik onder die knie kry en foutloos gebruik.
nuwe woorde en sinne gebruik.
transaksionele en kreatiewe tekste beplan en skryf.