Best Books Eksamenhulp vir Graad 10 Huistaal is ’n gebruikersvriendelike oefenboek met agt hoofstukke taalopsommings met toepaslike voorbeelde en taaloefeninge, sowel as vier konsepvraestelle om die grondslag vir sukses in die eksamen te lê. Elke hoofstuk bevat ’n begripstoets, wat op uittreksels uit die jongste jeugboeke en ander tekstipes soos resensies, spotprente en artikels gebaseer is, en ’n hersieningstoets. Dié boek bevat ook waardevolle wenke en praktiese raad vir die beantwoording van Vraestelle 1 en 3.
Hierdie oefenboek lê die grondslag vir sukses in die VOO-band en bevat deurtastende opsommings van elke taalstruktuur en -konvensie soos wat die kurrikulum vereis in. Dit is dus ’n oefenboek vir leerders om tot Graad 12 te hou en saam met Best Books se oefenboeke vir Graad 11 en 12 te gebruik om terme na te slaan en te hersien.
Hierdie oefenboek
is saamgestel volgens die vereistes van die Kurrikulum- en assesseringsbeleidsverklaring en die jongste uitgawe van die Afrikaanse woordelys en spelreëls.
sluit agt hoofstukke wat ál die taalstrukture en -konvensies dek, in.
bevat taaloefeninge, gebaseer op uittreksels uit die jongste jeugboeke, wat teoretiese kennis oefen en toets, en die geleentheid bied om dié kennis toe te pas.
bevat wenke en raad met voorbeelde ter voorbereiding van toetse en eksamens.
sluit twee konsepvraestelle vir Vraestelle 1 en 3 elk in.
bied plek vir antwoorde, vir maklike hersiening en verwysing.
is geskik vir gebruik in die klaskamer of tuis.
Die antwoorde kan op die webtuiste www.nb.co.za afgelaai word.